putin: rusiye-türkiye munasiwetliri eng yuqiri sewiyede
putin türkiye bilen shériklikning yuqiri sewiyede ikenlikini, buning uzun yillar dawamida oxshimighan sahelerde qolgha keltürülgen tejribilerge tayinidighanliqini bildürüp:«her ikki dölet munasiwetlerni tereqqiy qildurush mesiliside qetiy qarargha ige»dédi
türkiye awazi radiyosi xewiri: wladimir putin krémil sariyida türkiyening moskwada turushluq bash elchisi tanju bilgichni öz ichige alghan, rusiyede wezipisini bashlighan 21 döletning bash elchiliridin sadaqet mektubini tapshuruwaldi we ularni yéngi xizmetliri munasiwiti bilen tebriklidi.
u sözide, türkiye-rusiye munasiwetliri üstide toxtaldi. u mundaq dédi:
«türkiye bilen bolghan shériklik munasiwet eng yuqiri sewiyede. bu uzun yillar dawamida oxshimighan sahelerde qolgha keltürülgen tejribilerge tayinidu. her ikki dölet yaxshi qoshnidarchiliq, shériklik we özara menpeet yetküzüsh pirinsiplirigha tayanghan munasiwetlirini téximu tereqqiy qildurush mesiliside qetiy qarargha ige.»
u jumhur reis rejep tayyip erdoghan bilen izchil alaqe qiliwatqanliqlirini bildürüp, buningda barliq muhim mesililerning muzakire qilinghanliqini eskertti.
u sözini mundaq dawamlashturdi:
«énérgiye saheside rusiye-türkiye hemkarliqlirining heqiqeten istratégiyelik ikenlikini bildürüshni xalaymen. rusiye döletlik yadro énérgiyesi idarisi türkiyede tunji yadro éléktr istansisi qurulushini dawamlashturuwatidu. <mawi éqim> we <türk éqim> turuba yolliri layiheliri bilen tebiiy gaz saheside yéqin hemkarliqlar emelge ashti. türkiyede tebiiy gaz tarqitish merkizi qurush xizmetlirimu dawamlishiwatidu. soda we yuqiri téxnologiye saheliridimu nurghun muhim layihelirimiz, ortaq tirishchanliqlirimiz bar.»
