qatar: isirailiyening hujumliri muressechilikni qiyinlashturuwatidu
qatar tashqi ishlar ministiri muhemmed bin abdurrahman alsani, «insanperwerlik nuqtisidin urush toxtitish» kéyin, isirailiyening qorshaw astidiki ghezzeni bombardiman qilishni dawamlashturushining muressechilik tirishchanliqlirini qiyinlashturghanliqini éytti.
türkiye awazi radiyosi xewiri: qatar tashqi ishlar ministirliqi bayanat élan qilip, ministir alsanining amérika tashqi ishlar ministiri antoni blinkén bilen téléfonda körüshkenlikini bildürdi.
körüshüshte, isirailiye qorshawi we hujumi astidiki ghezzeni öz ichige halda ishghal astidiki pelestin zéminlirida yüz bériwatqan özgirishler, jiddiychilikni peseytish we urush toxtitish imkaniyetlirining muzakire qilinghanliqi qeyt qilindi.
qatar tashqi ishlar ministiri alsani ghezzede yene «insanperwerlik nuqtisidin urush toxtitish» üchün shérik döletler bilen muressechilik qilishni dawamlashturuwatqanliqlirini eskertip: «isirailiyening ghezzege qiliwatqan hujumliri bu tirishchanliqlarni qiyinlashturup, rayondiki balayiapetlerni chongqurlashturuwatidu» dédi.
u isirailiyening bombardimani astidiki pelestinliklerge insanperwerlik yardemlirini yetküzüsh üchün ghezzege bixeter karidorlarning échilishi kéreklikini tekitlidi.
hamasning herbiy qaniti bolghan qassam birigadiliri 7-öktebir (2023) «eqsa topani» namliq keng kölemlik hujum bashlighanliqini élan qilghan idi.
isirailiye armiyesimu buninggha jawaben «tömür qilich herikiti» ni bashlighanliqini élan qilghan idi.
künséri keskinleshken toqunushlarda, 15 ming 500 din artuq pelestinlik jénidin ayrildi.
