isirailiye ghezze hujumini qayta bashlidi
isirailiye armiyesi ghezzede bir hepte dawamlashqan «insanperwerlik nuqtisidin waqitliq urush toxtitish» ning axirlashqanliqini we hujumlarning qaytidin bashlanghanliqini élan qildi.
türkiye awazi radiyosi xewiri: isirailiye bilen hamas otturisida tüzülgen kélishim ramkisida 24-noyabir (2023) etigendin bashlap ijra qilinghan «insanperwerlik nuqtisidin waqitliq urush toxtitish», bügün (1-dékabir) etigen axirlashti.
isirailiye armiyesining yazma bayanatida, hamasning «insanperwerlik nuqtisidin waqitliq urush toxtitishqa xilapliq qilghanliqi» ilgiri sürüldi we «isirailiye armiyesi ghezzede hamasqa qarshi herbiy heriketlirini qaytidin bashlidi» déyildi.
ghezze ichki ishlar ministirliqimu bayanat élan qilip, «insanperwerlik nuqtisidin waqitliq urush toxtitish» ning axirlishishi bilen, isirailiye ayropilanlirining ghezze kökliride uchushqa bashlighanliqini bildürdi.
bayanatta, isirailiye armiyesining ghezzening shimalini oqqa tutqanliqi eskertildi.
