wéngiriye: ukrainaning yawropa ittipaqi bilen ezaliq söhbetlirini bashlishini qollimaymiz

türkiye awazi radiyosi xewiri: wéngiriye dölet ishliri ministiri gérgéli gulyas paytext budapéshtta bayanat bérip, «urushta weyran bolghan bir dölet» ning yawropa ittipaqigha kirishi üchün resmiy söhbet bashlashning baldurluq qilidighanliqini otturigha qoydi.

u dölitining bélgiye paytexti biryussélda ötküzülidighan yawropa ittipaqi bashliqlar yighinida otturigha qoyulidighan «söhbetlerni bashlash» teklipini qollimaydighanliqini tekitlidi.

«nöwette biz nahayiti baldur sunulghan bir teklipke duch kéliwatimiz» dégen gulyas, wéngiriyening ukrainani ittipaqqa kirish musapisini bashlashqa teklip qilish toghrisidiki «ortaq qarar»gha awaz qoshmaydighanliqini éytti.

u yene, dölitining kiyéwgha 50 milyard yawro qimmitide uzun muddetlik yardem bérish qatarliqlarni öz ichige alghan yawropa ittipaqi xamchotigha özgertish kirgüzüsh teklipinimu qollimaydighanliqini sözlirige ilawe qildi.