nétanyahu hamasni eyiblidi
isirailiye bash ministirliq ishxanisi ghezze hujumlirining qaytidin bashlanghanliqi toghrisida bayanat élan qilip, hamasni eyiblidi.
türkiye awazi radiyosi xewiri: isirailiye bash ministirliq ishxanisi hamasni eyiblep bayanat élan qildi.
bayanatta, hamasning terepler otturisidiki kélishim boyiche isirailiyelik ayal esirlerni qoyup bermigenliki we isirailiyege rakéta atqanliqi ilgiri sürüldi.
bayanatta, bash ministir nétanyahuning bu heqte éytqan töwendiki sözlirige orun ajritildi:
«urushni qaytidin bashlap, isirailiye hökümitining urush meqsitige emel qilidighanliqini tekitleymiz. meqset isirailiyelik esirlerni qoyup bergüzüsh, hamasni yoqitish we ghezzening qaytidin isirailiyege tehdit peyda qilmasliqini kapaletke ige qilish.»
isirailiye armiyesi ghezzening merkizidiki el mégazi musapirlar lagéridiki bir öyni bombardiman qildi. hujumda, bir kishi jénidin ayrildi, töt kishi yarilandi. ghezzening jenubidiki refah shehirining merkizidiki bir öyning bombardimanida bolsa, töt kishi jénidin ayrildi, nurghun kishi yarilandi.
ghezze shehirining gherbiy shimalidiki ennasir we rantisi doxturxaniliri etrapida, isirailiye eskerliri bilen pelestinlik guruppilar otturisida toqunush yüz berdi.
مۇناسىۋەتلىك خەۋەرلەر
