misir arqiliq ghezzege yéqilghu yötkesh bashlandi
hamas bilen israiliye otturisida hasil qilinghan «toqunushlarni insanperwerlik nuqtisidin waqitliq toxtitish kélishimi» dairiside, yéqilghu qachilanghan yük mashinilirining misirdin ghezzege kirishke bashlighanliqi bildürüldi.
türkiye awazi radiyosi xewiri: pelestin islamiy qarshiliq körsitish herikiti — hamas bilen israiliye otturisida hasil qilinghan «toqunushlarni insanperwerlik nuqtisidin waqitliq toxtitish kélishimi» dairiside, yéqilghu qachilanghan yük mashinilirining misirdin ghezzege kirishke bashlighanliqi bildürüldi.
refah chégra éghizining ghezze teripidiki menbeler, yéqilghu we ashxanilarda tebiiy gaz qachilanghan yüz mashinilirining ghezze terepke ötüshke bashlighanliqini delillidi.
israiliyening ghezze rayonigha yéqilghu kirishige tosqunluq qilishi netijiside, nurghun doxturxanilarning meshghulati toxtap ketken, qutquzush mashinliri mulazimet qilalmighan, doxturlar yanfonlarning chiraghliridin paydilinip opératsiyelerni qilghanidi.
ghezzediki toqunushlarning birinchi heptisidila, rayondiki birdinbir éléktr istansisi yéqilghu yétishmeslik sewebidin tok ishlepchiqirishni toxtatqanidi.
kéyin, doxturxana, télégraf shirketliri, saghlamliq merkezliri, öyler we quduqlardin su élish üchün ishlitilidighan génératorlarni qozghitish üchün kéreklik bolghan yéqilghu tügep ketkenidi.
