pakistan kések altun döletliri teshkilatigha eza bolush üchün resmiy iltimas sundi
pakistan, biraziliye, rusiye, hindistan, xitay we jenubiy afriqadin teshkil tapqan kések altun döletliri teshkilatigha eza bolush üchün resmiy iltimas sundi.
türkiye awazi radiyosi xewiri: pakistanning moskwada turushluq bash elchisi muhemmed xélil jemali rusiyening «‹tass› agéntliqi» (TASS) gha bergen bayanatida, pakistanning kések altun döletlirige oxshishan muhim bir teshkilatning ezasi bolushni nishan qiliwatqanliqini éytti.
jemali dölitining kések altun döletliri teshkilatigha eza bolush üchün resmiy iltimas sunghanliqini, ezaliq musapiside rusiyening qollishigha ishinidighanliqini eskertti, shundaqla islamabadni qollishini qolgha keltürüsh üchün bashqa eza döletler bilen qoyuq alaqilishiwatqanliqlirini qeyt qildi.
bash elchi jemali rusiye kések altun döletliri teshkilatining nöwetchi reislik wezipisini öteydighan 2024-yili pakistanning kések altun döletliri teshkilatigha eza bolushni pilanlawatqanliqlirinimu sözlirige ilawe qildi.
