sérbiye kirodiyelik bir diplomatni chégradin qoghlap chiqirishni qarar qildi

türkiye awazi radiyosi xewiri: sérbiye tashqi ishlar ministirliqi bayanat élan qilip, jasusluq bilen shughullanghanliqini ispatlaydighan höjjetler ashkarilanghan diplomat snazhdérning «qarshi élinmaydighan kishi» dep élan qilinghanliqini uqturdi.

diplomatning delil-ispatlargha asasen dölettin qoghlanghanliqigha isharet qilinghan bayanatta, snazhdérning wezipe ötewatqan mezgilide «diplomatik chek - chégralardin halqip ketkenliki» we bu xil ehwallarni qobul qilishqa bolmaydighanliqi qeyt qilindi.

kirodiye tashqi ishlar ministirliqi diplomatning chégradin qoghlap chiqirilishidiki seweblerni ret qilip, bu xil qedemlerning ikki dölet munasiwitige ziyan yetküzüsh mumkinchiliki barliqi toghrisida agahlandurdi.

kirodiyening bélgradta turushluq bash elchisi xidazhét bisjéwich kirodiye taratqulirigha özining bu mesile toghrisida toxtilishni xalimaydighanliqini bildürdi.