ghezzening shimalidiki toqunushta yene ikki israiliye eskiri ujuqturuldi
israiliye armiyesi muhasire astidiki ghezze rayonida dawamlishiwatqan toqunushta öltürülgen eskerler sanining 68 ge örligenlikini xewer qildi.
türkiye awazi radiyosi xewiri: israiliye armiyesi teripidin élan qilinghan yazma bayanatta, ghezzening shimalidiki toqunushta yene ikki israiliye eskirining öltürülgenliki bildürüldi.
bayanatta, ghezzening shimalidiki toqunushta yene, besh israiliye eskirining éghir yarilanghanliqi uqturuldi.
israiliye armiyesining bayanatigha asaslanghanda, 27 - öktebirdin buyan ghezzede yüz bergen toqunushlarda öltürülgen israiliye eskerlirining sani 68 ge özligen.
hamasning qoralliq qaniti izeddin qassam birigadiliri 7 - öktebir (2023) etigende israiliyening pelestinliklerge we mesjidi eqsa qatarliq muqeddes qimmet qarashlirigha üzlüksiz dexli-teruz qilishlirigha jawaben «eqsa topani» namliq keng kölemlik hujum bashlighan bolup, israiliye qisimlirimu ghezze rayonini hawadin éghir bombardiman qilishni bashlighan idi.
israiliye 7 – öktebirde yüz bergen hujumda 310 din artuq eskerni qoshqanda, 1200 israiliyelikning qaza qilghanliqini we 5132 kishining yarilanghanliqini élan qilghan idi.
israiliyening bildürishiche, qassam birigadilirining qolida 239 israiliyelik esir bar iken.
ghezzediki hökümetning bildürüshiche, 7-öktebirdin buyan israiliye hujumlirida ghezze rayonida kem dégende 5000 kichk bala we 3300 ayalni qoshqanda, jemiy 12 ming 300 puqra öltürülgen.
