sarayéwuda pelestin xelqini qollash namayishi ötküzüldi
bosniye-gértségowina puqraliri bilen bu yerde yashawatqan pelestinlikler yekshenbe küni sarayéwudiki sheherlik hökümet binasining aldida yighilip, pelestin xelqini qollap namayish ötküzdi.
türkiye awazi radiyosi xewiri: bosniye-gértségowinadiki pelestin jamaiti bilen sarayéwu uniwérsitéti tébbiy fakultétining oqughuchiliri teripidin uyushturulghan namayishta, pelestin sehiye ministirliqi mesullirining ghezzening hemme yaqni derd - elem qaplap ketken elehli rayonidiki depne murasimliri otturisida ötküzülgen muxbirlarni kütüwélish yighinining körünüshi körsitildi.
teqlidiy körünüshlerde, ölük insanlar we üstide qan izliri bolghan bowaqlar eks ettürüldi.
pelestin we bosniye-gértségowina bayriqini kötürüp mangghan namayishchilar, pelestinni qollap shoarlarni towlidi we sehnige «irqiy qirghinchiliqni toxttinglar» dégen lozunkini asti.
namayish jeryanida, ghezze rayonida 7-öktebir (2023) din bashlap dawamlishiwatqan israiliyening hujumlirida qaza qilghan pelestinlik balilarning foto süretliri we uchurliri yézilghan teshwiqat waraqliri tarqitildi.