سارايېۋۇدا پەلەستىن خەلقىنى قوللاش نامايىشى ئۆتكۈزۈلدى

تۈركىيە ئاۋازى رادىيوسى خەۋىرى: بوسنىيە-گېرتسېگوۋىنادىكى پەلەستىن جامائىتى بىلەن سارايېۋۇ ئۇنىۋېرسىتېتى تېببىي فاكۇلتېتىنىڭ ئوقۇغۇچىلىرى تەرىپىدىن ئۇيۇشتۇرۇلغان نامايىشتا، پەلەستىن سەھىيە مىنىستىرلىقى مەسئۇللىرىنىڭ غەززەنىڭ ھەممە ياقنى دەرد - ئەلەم قاپلاپ كەتكەن ئەلئەھلى رايونىدىكى دەپنە مۇراسىملىرى ئوتتۇرىسىدا ئۆتكۈزۈلگەن مۇخبىرلارنى كۈتۈۋېلىش يىغىنىنىڭ كۆرۈنۈشى كۆرسىتىلدى.

تەقلىدىي كۆرۈنۈشلەردە، ئۆلۈك ئىنسانلار ۋە ئۈستىدە قان ئىزلىرى بولغان بوۋاقلار ئەكس ئەتتۈرۈلدى.

پەلەستىن ۋە بوسنىيە-گېرتسېگوۋىنا بايرىقىنى كۆتۈرۈپ ماڭغان نامايىشچىلار، پەلەستىننى قوللاپ شوئارلارنى توۋلىدى ۋە سەھنىگە «ئىرقىي قىرغىنچىلىقنى توختتىڭلار» دېگەن لوزۇنكىنى ئاستى.

نامايىش جەريانىدا، غەززە رايونىدا 7-ئۆكتەبىر (2023) دىن باشلاپ داۋاملىشىۋاتقان ئىسرائىلىيەنىڭ ھۇجۇملىرىدا قازا قىلغان پەلەستىنلىك بالىلارنىڭ فوتو سۈرەتلىرى ۋە ئۇچۇرلىرى يېزىلغان تەشۋىقات ۋاراقلىرى تارقىتىلدى.