lahorda süniy yamghur yaghdurush teyyarliqliri bashlandi
pakistanning penjap ölkisidiki hawaning bulghinishini azaytish üchün süniy yamghur yaghdurush pilanlanmaqta.
türkiye awazi radiyosi xewiri: pakistan dölet taratquliridiki xewerlerge asaslanghanda, dairiler penjap ölkisige qarashliq lahor shehiridiki hawa bulghinishigha qarshi her türlük tedbirlerni yolgha qoyghan.
alaqidar organlar tedbir dairiside, 28-we 29-noyabir lahorda süniy yamghur yaghdurush üchün zörür bolghan teyyarliqlarning bashlanghanliqini élan qilghan.
bu ariliqta, lahordiki barliq mekteplerning shenbe küni taqilishi we bazarlarningmu shu yerning waqti 15.00 din kéyin échilishi qarar qilindi.
penjapta 8-noyabirda hawa bulghinishi yuqiri bolghan rayonlarda 4 künlük dem élish élan qilinghan idi.
hawa süpitining derijisini ölcheydighan shiwitsariye téxnika shirkiti <IQAir> ortaqlashqan sanliq melumatlargha asaslanghanda, penjap ölkisige qarashliq moltan shehiride hawa süpitining derijisi 470, lahorda bolsa 214 dep ölchengen. bu derijiler ayrim-ayrim halda «xeterlik» we «intayin ziyanliq» türlerge kiridiken.
dunya sehiye teshkilati sheherlerning hawa süpiti üchün teyyarlighan yétekchide, PM sewiyisi 2.5 (yeni diamétiri 2.5 mikroométirdin töwen inchike danche maddilar) her kub métirda 10 mikrogramdin töwen bolushi kérekliki tekitlenmekte.
