p k k terepdarliri shiwétsiyede yene ighwagerchilik qildi
shiwétsiyediki ighwagerchilikini dawamlashturuwatqan bölgünchi térrorluq teshkilati — p k k terepdarliri goténburg sheherlik hökümet binasining tüwrüklirige teshkilatning latilirini chiqirip, teshwiqat qildi.
türkiye awazi radiyosi xewiri: térrorluq teshkilatining bu ighwagerchilikining süretliri p k k teshwiqatini qilidighan ijtimaiy taratqu adréslirida tarqitildi.
tünügün türkiye büyük millet mejilisi (t b b m) tashqi ishlar komissiyoni shiwétsiyening shimaliy atlantik ehdi teshkilati — natogha eza bolushigha munasiwetlik teklip toghrisidiki muzakirilerni kéchiktürgenidi.
adalet we tereqqiyat partiyesi parlamént ezalirining qobul qilinghan kéchiktürüsh iltimasida: «muzakire qiliniwatqan mesilining aydinglashturulmighan bolushi we söhbetler yéterlik derijide piship yétilmigenliki üchün, tekliptiki maddilarni muzakire qilmastin axirlashturulushi...» dégen ibarilerge orun bérilgenidi.
shiwétsiye hökümiti hazirghiche türkiye büyük millet mejlisi tashqi ishlar komissiyonining bu qararigha qarita bayanat élan qilmidi.
