b d t birmadiki toqunushlarning kéngiyip kétishidin endishe qiliwatqanliqini bildürdi
birleshken döletler teshkilati (b d t) ning bash katipi antoniyo gutérrés bérmadiki toqunushlarning kéngiyip kétishidin «küchlük endishe qiliwatqanliqi» bildürüldi.
türkiye awazi radiyosi xewiri: b d t bayanatchisi stéfan dujarik bu heqte yazma bayanat élan qilip: «gutérrés (birmadiki toqunushuwatqan) her qaysi tereplerni xelqara qanungha riaye qilip, pütün küchi bilen puqralarni qoghdashqa chaqiridu» dédi.
dujarik, gutérrésning sherqiy jenubiy asiya elliri ittipaqi, rayonluq we xelqaraliq shérikler bilen hemkarliship, bérmadiki zorawanliqlargha xatime bérish üchün tirishchanliq körsitish iradisining qetiy ikenlikini eskertti.
birmada ikki milyondin artuq kishining alliqachan öy-makanliridin ayrilip qélip bolghanliqigha isharet qilghan dujarik, zorawanlarning jawabkarliqqa tartilishi kéreklikini otturigha qoydi.
u rayongha insanperwerlik yardemlirining yetküzülüshige tosqunluq qilinmasliqi kéreklikini tekitlep, gutérrésning toqunushlardin küchlük endishe qiliwatqanliqini we uning bérma xelqige hésdashliq qilidighanliqini sözlirige ilawe qildi.
