bosniye-gértségowinada ghezze xelqini qollash namayishi ötküzüldi
bosniye-gértségowinaning paytexti sarayéwuda besh heptidin buyan israiliyening wehshiylerche hujumigha uchrawatqan ghezze xelqini we pelestinni qollash namayishliri shundaqla piyade yürüsh paaliyetliri dawamlashmaqta.
2063614
türkiye awazi radiyosi xewiri: bosniye-gértségowinadiki musteqil yashlar mejlisi teripidin bashcharshidiki tarixiy bulaq aldida uyushturghan yighilishqa minglighan kishi qatnashti.
namayishqa qatnashqan puqralar «ghezzediki irqiy qirghinchiliqni toxtitinglar!», «tünügün srébrénitsa, bügün ghezze!» we «dunya némishqa süküt qilisen?!» dégen shoarlar yézilghan lozunkilarni hemde pelestin we bosniye - gértségowina bayraqlirini kötürüp piyade qildi.
toplanghan kishiler, ghezze rayonidiki irqiy qirghinchiliqni shundaqla puqralar, kichik balilar we ayallarni qirghin qilishni toxtitish shoarlirini towlap, qorshaw astidiki pelestin zéminida öltürülgen kichik balilarning resimlirini kötürgen halda namayish qildi.