shiwétsiyening bir jamening ishikige islamgha qarshi resimler sizilip, xetler yézildi
shiwétsiyening paytexti stokholmdiki stokholm jamesining ishikige islamgha qarshi resimlerning sizilip, xetlerning yézilghanliqi bildürüldi.
türkiye awazi radiyosi xewiri: jamening imami mehmud xelfi jamege qilinghan irqchi hujum toghrisida bayanat bérip, jamening ishikige «pelestin urushi»gha isharet qilinghan halda, islamgha qarshi belgilerning sizilghanliqini we xetlerning yézilghanliqini éytti.
stokholm jamesi yazma bayanat élan qilip, israiliyening muhasire astidiki ghezzege qiliniwatqan hujumliri bashlanghandin buyan ewj élishqa yüzlengen islamgha we ereblerge öchmenlik qilishtin irqchiliq qilmishlirini eyiblidi.
bayanatta, jame jamaiti ichidiki nurghun pelestinliklerning mektep we kochilarda irqchilarning hujumlirigha uchrighanliqi, ewj éliwatqan öchmenlik jinayetliridin endishe qiliniwatqanliqi qeyt qilindi.
igilinishiche, saqchilar weqe üstide tekshürüsh élip bérishni bashlighan.