isirailiye her küni töt saet urush toxtitishni qobul qildi
amérika isirailiyening ghezzening shimalida puqralarning tarqaqlishishi üchün künde töt saet urush toxtitishni qobul qilghanliqini bildürdi.
türkiye awazi radiyosi xewiri: aqsaray dölet xewpsizlik kéngishi istratégiyelik uchur-alaqe kordinatori jon kirbi bayanat élan qilip. ghezzening shimalidiki puqralarning rayondin tarqaqlishishi üchün, isirailiyening her qétimliq töt saetlik urush toxtitishtin üch saet ilgiri uqturush qilidighanliqini bildürdi.
u urush toxtitishning insanperwerlik yardemlerning rayongha yetküzülüshige we pelestinliklerning «ziyangha uchrimastin rayondin tarqaqlishishi» gha imkaniyet yaritip béridighanliqini eskertip: «urush toxtitishlar, bolupmu puqralarning toqunush rayonliridin yiraqliship téximu bixeter rayonlargha bériwélishigha imkaniyet yaritip bérishi nuqtisidin tashlanghan toghra qedem» dédi.
isirailiye hökümiti amérikaning «toqunushlarni insanperwerlik nuqtisidin waqitliq toxtitish» toghrisidiki bayanatidin kéyin, puqralarning ghezzening shimalidin tarqaqlishishi üchün échilghan karidorning xizmitige kapaletlik qilidighanliqini, emma hujumlarning dawamlishidighanliqini bildürdi.
isirailiye bash ministirliq mehkimisi axbarat ishxanisining bu heqtilki yazma bayanatida, «esirlirimiz qoyup bérilmey turup, urush toxtimaydu» déyildi.
amérika tashqi ishlar ministirliqining muawin bayanatchisi wédant patél: «kishilerning ghezzening shimalidiki toqunush rayonliridin tarqilishishigha imkaniyet yaritip béridighan ikki insanperwerlik karidori tesis qilinidu. yéqinqi bir qanche kündin buyan her küni 5-4 saet ochuq bolidighan tunji karidor, hazirdin bashlapla bir qanche ming kishining bixeter rayongha bériwélishini kapaletke ige qildi» dédi.
u ghezze déngiz qirghiqini boylap échilidighan ikkinchi karidorningmu minglarche kishining jenubtiki bixeter rayongha bériwélishini kapaletke ige qilidighanliqini eskertti.
hamasning qoralliq qaniti qassam birigadaliri 7-öktebir (2023) etigende keng kölemlik hujum qozghighan idi. israiliye qisimlirimu ghezze rayonigha hawadin hujum qilip, bombardiman qilishni bashlighan idi.
künséri keskinlishiwatqan tuqunushlarda, her ikki tereptin minglighan kishi jénidin ayrildi.
