zélénskiy: bügün ukraina we pütkül yawropa tarixida toghra bir qedem tashlandi

türkiye awazi radiyosi xewiri:ukraina pirézidénti wolodimir zélénskiy yawropa ittipaqi komitétining ukraina bilen yawropa ittipaqi ezaliq söhbetlirini bashlash heqqidiki tewsiyesi toghrisida toxtilip: «bügün ukraina we pütkül yawropa tarixida toghra bir qedem tashlandi» dédi.

pirézidént wolodimir zélénskiy ijtimaiy taratqudiki adrésida sin körünüshlük bayanat élan qilip, yawropa ittipaqi komitétining ukraina bilen ezaliq söhbetlirini bashlash toghrisidiki tewsiyesige baha berdi.

u bayanatida: «bügün ukraina we pütkül yawropa tarixida toghra bir qedem tashlandi. yawropa komitéti ukraina bilen ezaliq söhbetlirini bashlashni tewsiye qildi. dölitimiz yawropa ittipaqidin orun élishi kérek. ukrainaliqlar hem yawropa qimmetlirini qoghdighanliqi hemde urush mezgilidimu wedimizde turup, dölet organlirimizni qoghdighanliqimiz üchün, buninggha layiq. biz zörür bolghan barliq qararlarni chiqirimiz. men bizni qollighan barliq kishilerge rehmet éytimen» dédi.

yawropa ittipaqi komitéti ukraina we moldawiye bilen toluq ezaliq söhbetlirini bashlashni, giruziyege kandidat dölet salahiyiti bérishni tewsiye qildi.