isirailiye ghezzediki doxturxanilarni bombardiman qilishni toxtatmidi

türkiye awazi radiyosi xewiri: isirailiye armiyesining xan yunus shehirige qilghan hawa hujumida alte kishi jénidin ayrildi, nurghun kishi yarilandi.

ghezze shehirining shawa meydani etrapigha jaylashqan amriti ailisining bir öyimu bombardiman qilindi, bombardimanda nurghun kishi yarilandi.

isirailiye ayropilanliri ghezzede minglarche yaridar we musapirlar panahliniwatqan shifa doxturxanisi bilen nasir balilar doxturxanisining etrapini we bezi rayonlarni dawamliq bombardiman qilmaqta. bombardimanda doxturxanilarning etrapida turuwatqan üch kishi jénidin ayrildi, onlarche kishi yarilandi.

isirailiye armiyesi refah shehirining sherqinimu zembirek bilen bombardiman qildi.

ghezzediki hökümet isirailiye armiyesining yéqinqi üch kün ichide sekkiz doxturxanini biwaste bombardiman qilghanliqini, 7-öktebirdin buyan jemiy 18 doxturxanining xizmet qilishtin toxtap qalghanliqini élan qildi.

isirailiye 7-öktebirdin tartip ghezzediki toqunushlarda jénidin ayrilghan 34 eskerni qoshqanda jemiy 351 eskerni öz ichige alghan 1400 din artuq ademning jénidin ayrilghanliqini, 5 ming 132 ademning yarilanghanliqini élan qildi.

isirailiyening ilgiri sürüshiche, qassam birigadilirining qolida 239 isirailiyelik esir bar iken.

ghezzediki pelestin sehiye ministirliqining bildürüshiche, isirailiyening hujumlirida 4 ming 324 kichik bala, 2 ming 823 ayal bolup jemiy 10 ming 569 pelestinlik öltürüldi, eng az dégende 26 ming 475 pelestinlik yarilandi.

iyordan deryasining gherbiy qirghiqi we quddusta, isirailiye eskerliri bilen yehudiy köchmenler 163 pelestinlikni öltürdi.

isirailiye armiyesi bilen hizbullah otturisida 8-öktebir (2023) din tartip chiqqan étishishlarda 63 hizbullah ezasi, töt isirailiye eskiri jénidin ayrildi.

hamasning qoralliq qaniti qassam birigadaliri 7-öktebir (2023) etigende keng kölemlik hujum qozghighan idi. israiliye qisimlirimu ghezze rayonigha hawadin hujum qilip, bombardiman qilishni bashlighan idi.