abbas rutté we albans qatarliqlar bilen téléfonlashti
pelestin dölet reisi mehmud abbas israiliye ishghaliyetchi küchlirining ghezzeni parchilash pilanini qobul qilghili bolmaydighanliqini, uning pelestinning ayrilmas bir qismi ikenlikini tekitlidi.
türkiye awazi radiyosi xewiri: pelestin xewer agéntliqi — wafaning xewirige qarighanda, mehmud abbas gollandiye bash ministiri mark rutté we awstraliye bash ministiri antoniy albanis bilen ayrim – ayrim téléfonlashqan.
gollandiye bash ministiri rutté bilen ötküzgen téléfon söhbitide «ishghaliyetchi küchlerning ghezzeni parchilash pilanini qobul qilghili bolmaydu» dégen abbas, ghezzening ayrim siyasiy yaki bixeterlik charisi yoqluqini, uning pelestin dölitining ayrilmas bir qismi ikenlikini otturigha qoyghan.
u pelestin xelqining erkinliki, musteqilliqi we igilik hoquqigha ige bolushi üchün, xelqarawi qanuniyliqni asas qilghan siyasiy hel qilish charisining yolgha qoyulushini shert ikenlikini tekitligen.
yene bir tereptin, awstraliye bash ministiri antoniy albanis pelestin dölet reisi mehmud abbasqa téléfon qildi؛ abbas téléfon söhbiti jeryanida, pelestin xelqige qaritilghan qirghinchiliqning derhal toxtitilishi kéreklikini otturigha qoydi.
abbas özlirining pelestin xelqining qanuniy wekilliri ikenlikini, pelestin azadliq teshkilatining milliy qararlarni chiqirish hoquqi barliqini qeyt qildi.
