awstiraliye bash ministiri xitay bilen «tosalghusiz» sodini nishan qiilmaqta
awistiraliye bash ministiri antoni albénisi (Antony Albenese) xitay bash ministiri li chyang bilen ötküzgen uchrishishida, xitay bilen «erkin we tosalghusiz sodini eslige keltürüsh» ni chaqirq qildi.
türkiye awazi radiyosi xewiri: yette yildin buyan tunji qétim xitayni ziyaret bolghan awstiraliye bash ministiri antoni albénisi seyshenbe (6-aprél) küni élan qilghan bayanatida, xitay bilen bolghan munasiwetlerni yaxshilaydighan saheler qatarida, kilimat özgirishi, yémek-ichmek bixeterliki we chégra halqighan jinayetler mesilisini tilgha aldi.
antoni albénisi awstiraliyening muhim ittipaqdishi bolghan amérika bilen xitay otturisidiki ziddiyetning künséri küchiyiwatqanliqini tilgha élip, géoistratégiyelik riqabetning «diyalog we özara chüshinish arqiliq» hel qilinishi kéreklikini bildürdi.
xitayning hazirgha qeder yolgha qoyghan resmiy tamozhna béji we gheyriy resmiy soda tosalghuliri awstiraliye éksportchilirigha nisbeten kömür, üzüm hariqi, kala göshi, arpa we qisquchpaqa qatarliq mehsulatlirida yiligha 20 milyard awstraliye dolliri (13 milyard dollar) ziyan keltürgen idi.
xitay bilen awstiraliye yéqinqi bir nechche ay ichide özlirining soda mesililirini hel qilish üchün tirishiwatqanliqi toghrisida signallarni bergen idi.
