amérikaning süriyediki herbiy baziliri hujumgha uchridi
süriyening déyrizor we haseke wilayetlirige jaylashqan amérikaning ikki herbiy bazisi hujumgha uchridi.
türkiye awazi radiyosi xewiri: yerlik menbelerdin élinghan melumatlargha asaslanghanda, amérika armiyesining déyrizordiki koniko gaz meshghulat rayonigha we hasekege qarashliq malikiyye nahiyesidiki herbiy baziliri, rakétalar we qeyerdin kelgenliki éniq bolmighan uchqularning hujumigha uchrighan.
hujumda, herbiy baza we etrapigha rakéta oqliri chüshken, emma ölüm-yétim hadisiliri körülmigen.
süriyede yéqinqi künlerde humustiki tenef rayoni, haseke wilayitige qarashliq malikiyye, sheddadi nahiyeliri we déyrizorgha jaylashqan amérika herbiy baziliri, teweliki éniq bolmighan uchqular we quruqluqtin étilidighan qorallar bilen hujumgha uchrimaqta.
firat deryasining sherqige jaylashqan déyrizor zéminliri amérikaning qollishi astidiki térrorluq teshkilati y p g|p k k ning ishghalida, wilayet merkizi we bashqa yézilar beshshar esed hakimiyiti bilen iranning qollishidiki qoralliq guruppilar bar.
iranning qollishi astidiki guruppilar firat deryasining sherqidiki amérika herbiy baziliri pat-pat rakéta we uchqularning hujumigha uchrap kelmekte.
