sérbiyediki oqughuchilar ghezze üchün yardem seperwerlik paaliyiti uyushturdi

türkiye awazi radiyosi xewiri: sérbiyening yéngi bazar shehiridiki anadolu toluq ottura mektipi, soda we sehiye toluq ottura mekteplirining oqughuchiliri sheher merkizide pelestinlik balilargha yardem qilish meqsitide, puqralargha tatliq türüm satti. chach yasap, hösin tüzesh xizmetlirini sundi. sehiye oqughuchiliri kishilerning qan bésimini ölchidi. bulardin qolgha kelgen kirimning hemmisini pelestindiki balilargha yardem qilish meqsitide toplidi.

din dersi oqutquchisi édis uzhkanowij anadolu agéntliqining ziyaritini qobul qilip, bu qétimqi yardem seperwerlik paaliyitige, musulman oqughuchilarla emes, belki ortodoks oqughuchilarningmu qatnashqanliqini bildürüdi.

u: «oqughuchilirimiz ghezzde yüz bériwatqanlargha qarap turmidi. ghezzediki balilargha qandaq yardem qilalaydighanliqini oylap,bu paaliyetni uyushturdi. bu paaliyet, balilarning aqköngül ikenlikini körsitip béridu. bu yerge yardem üchün nurghun oqughuchilirimiz keldi. nurghun oqughuchilar özlirining kündilik xirajetliridin waz kéchip, pelestindiki balilargha iane qildi.  bularning hemmisi yashlarning küchi. biz oqutquchilar ularni peqet meniwi jehettin qolliduq» dédi.

bildürülishiche, paaliyette, tatliq türümler, pelestin bayriqining renggidiki kiyim-kéchekler, hösin tüzesh xizmetliri, chach yasash, qan bésimi ölchesh qatarliq xizmetler nahayiti erzan bahada sunulghan.