honduras bilen giwatémalada 68 mingdin artuq adem apetke uchridi
hondurasta shiddetlik yamghur sewebidin yüz bergen kelkün we tagh gömürülüp chüshüsh weqeliride töt adem jénidin ayrildi.
türkiye awazi radiyosi xewiri: ottura amérika döletliridin biri bolghan honduras we giwatémalada 68 mingdin artuq adem mushu hepte axiri yaghqan shiddetlik yamghurning tesirige uchridi.
honduras döletlik jddiy ishlargha taqabil turush ishxanisi bayanat élan qilip, yette rayonda sériq renglik agahlandurush élan qilinghanliqini, shiddetlik yamghurning dawamliq yaghidighanliqini bildürdi.
hondurasta hazirghiche kelkün we tagh gömürülüp chüshüsh weqeliride töt adem jénidin ayrildi, 42 mingdin artuq
adem apetning tesirige uchridi.
giwatémalada shiddetlik yaghqan yamghur sewebidin deryalarda su téship ketti. onlarche öy su astida qaldi.
giwatémala tebiiy apetni azaytish kordinatsiye idarisi 26 ming ademning yamghur sewebidin yüz bergen kelkünning tesirige uchrighanliqini, bezi jaylarda kishilerni tarqaqlashturush xizmitining bashlinip ketkenlikini uqturdi.
giwatémalada mushu yil (2023) ning béshidin tartip shiddetlik yaghqan yamghur sewebidin yüz bergen kelkün we tagh gömürülüsh weqeliride 58 adem jénidin ayrildi.
