enjilina juli: ghezze 20 yildin buyan ochuq türme idi, emdilikte ammiwi qebristanliqqa aylandi

türkiye awazi radyosi xewiri: dunyagha dangliq senetchi enjilina juli istégram hésabatida panahlanghuchilar lagérining hujumdin kéyinki resimlirini hembehirlep, «bu qéchishqa héchqandan yéri bolmighan we qapsilip qalghan bir xelqke qesten qilinghan hujumdur» dédi.

enjilina juli ghezzening yéqinqi 20 yildin buyan ochuq türmige aylanghanliqini we bügünki künde nahayiti tézla ammiwi qebristanliqqa aylanghanliqini tekitlep, «dunya boliwatqan ishlarni tamashsha qilmaqta. nurghun döletlerning aktip qollishi bilen milyonlighan pelestin puqrasi xelqara qanungha xilap halda yémeklik, dora we insanperwerlik yardimidin mehrum qaldurulmaqta, kolléktip jazalanmaqta we insanliqtin chiqirilmaqta» dédi.

enjilina juli tereplerni urush toxtitishqa chaqirip, «insanperwerlik urush toxtitish telipini ret qilip, b d t xewpsizlik kéngishining her ikki terepke urush toxtitishini mejburlishining aldini élish arqiliq dunya rehberliri bu jinayetlerge shérik bolmaqta» dédi.

ghezzediki sehiye ministirliqi tünügün israiliye urush ayropilanlirining ghezze rayonining shimalidiki jibaliye panahlanghuchilar lagérigha hujum qilghanliqini élan qilghan idi.

ministirliqning bayanatida, deslepki éniqlashlar netijisige asasalanghanda, hujumda 100 din köprek kishining jénidin ayrilghanliqi we lagérdiki puqralar olturaqlashqan rayonlarning biri bolghan 6 kocha rayonining pütünley weyran qilinghanliqi uqturulghan idi.

israiliyening jibaliye panahlanghuchilar lagérigha 24 saet ichide qilghan ikkinchi qétimliq hujumida qaza qilghan, yarilanghan we yoqap ketkenler sanining 1000 gha yetkenliki bildürülgen idi.