won dér léyén sérbiyede ziyarette boldi
yawropa ittipaqi komitéti reisi ursula won dér léyén, yer sharida dawalghush küchiyiwatqan hazirqi sharaitta, kéngiyish mesilisining yawropa ittipaqi küntertipining aldinqi qataridin orun éliwatqanliqini bildürdi.
türkiye awazi radiyosi xewiri: yawropa ittipaqi komitéti reisi won dér léyén tünügün (31-öktebir) sérbiyede pirézidént aléksandr wujich bilen körüshkendin kéyin bayanat bérip: «biz sérbiyening ittipaqqa kirishini ümid qilimiz. bu teklip özara ishinish, ishench we hemkarliqni asas qilghan tinchliq we güllinish wedisidur» dédi we sérbiyening bu pursettin paydilinishini ümid qilidighanliqini eskertti.
u sérbiyening nöwettiki yawropa ittipaqigha qarap eng yaxshi ilgirilewatqan döletlerning biri ikenlikini, emma uning yawropa ittipaqining sérbiyeni yawropa ittipaqi tashqi siyasitige téximu yéqinlashturidighan qedemlerni tashlashni dawamlashturushini telep qildi.
u yawropa ittipaqining sérbiyege ishinishni we uni ortaq pirinsip, hemde qimmet qarashlargha ige ishenchlik yawropaliq shérik süpitide körüshni xalaydighanliqini bildürdi.
wujich bolsa, sérbiyening tinchliq we muqimliqni qoghdash iradisining qetiy ikenlikini, mejburiyitini bilidighanliqini we uni orunlaydighanliqini éytti.
pirézidént wujich, özining sérbiye asasiy qanunigha xilap héchqandaq ish qilalmaydighanliqini we sérbiyening bu nuqtini gherbtiki shériklirige bir qanche qétim melum qilghanliqini qeyt qildi. u sözini dawamlashturup: «bizge nisbeten, kosowuning musteqilliqini étirap qilish mesile emes, men buningdin pexirlinimen» dégenlerni qeyt qildi.
pirishtinening birdinbir mejburiyitining sérbiye sheherlik hökümetler ittipaqini qurush ikenlikini, emma uni quralmighanliqini tilgha alghan wujich, sérbiyening yawropa ittipaqigha kirish yolidiki saqliniwatqan mesilining yawropa ittipaqining tashqi siyasitige maslashmasliqi , yeni sérbiyening rusiyege jaza yürgüzmigenliki we sérbiyening pirishtine bilen bolghan munasiwiti ikenlikini eskertti.
