boliwiye ghezzediki qirghinchiliq sewebidin israiliye bilen diplomatik munasiwetlirini üzdi

türkiye awazi radiyosi xewiri: boliwiye pirézidéntliq mehkimisining bayanatchisi mariya néla prada we muawin tashqi ishlar ministiri fréddi mamani birleshme axbarat élan qilip, özlirining israiliye bilen bolghan barliq diplomatik munasiwetlerni üzüshni qarar qilghanliqlirini élan qildi.

mamani ottura sherqtiki xeterlik weziyet sewebidin bu axbarat élan qilish yighinini ötküzgenliklirini eskertip: «boliwiye israiliye döliti bilen bolghan barliq diplomatik munasiwetlirini üzüshni qarar qildi. dölitimiz ilgirimu pelestin mesilisi toghrisida ikki qétim resmiy bayanat élan qilghan idi» dédi.

mamani birleshken döletler teshkilati kishilik hoquq ehdinamisini eskertip: «boliwiye kishilik hoquq xitabnamisige kirgüzülgen her xil zalimliq, insan qélipidin chiqqan we bashqilarni kemsitidighan peskesh muamililerni ret qilidu» dédi.

muawin ministir mamani urush toxtitishni «derhal» emelge ashurush kéreklikini tekitlep, yene mundaq dédi:

«israiliyening ghezze rayonidiki tajawuzchiliq we tengpungsiz herbiy hujumi xelqaraning tinchliqigha tehdit salmaqta, oxshashla eyiblinishi kérek. yémek-ichmek, dora we insanperwerlik yardemlirining kirishige tosqunluq qilinmasliqi lazim. pelestinliklerning olturaq rayonigha qaritilghan israiliyening muhasirisi toluq békar qilishini kérek.»

hamasning herbiy qaniti qassam birigadiliri 7-öktebir (2023) de israiliyege «eqsa topani» namliq keng kölemlik hujum qozghighanliqini élan qilghan we israiliyemu urush ayropilani bilen ghezze rayonigha qarshi «tömür qilich» herikitini bashlighanliqini jakarlighan idi.

künséri keskinlishiwatqan tuqunushlarda, her ikki tereptin minglighan kishi jénidin ayrildi.