7-öktebirdin buyan 1709isirailiyelik, 7028 pelestinlik jénidin ayrildi

türkiye awazi radiyosi xewiri: pelestin xewer agéntliqi wafa (WAFA) ning xewer qilishiche, ghezzening gherbige jaylashqan shati musapirlar lagéridiki el ebyad jamesi bombardimanda weyran bolghan, nurghun kishi jénidin ayrilghan we yarilanghan.

isirailiye ayropilanliri xan yunus, eshshati musapirlar lagéri we oxshimighan jaylardiki kishilerning öylirinimu bombardiman qildi.

isirailiye armiyesining ishghal astidiki iyordan deryasining gherbidiki jenin we nablus shehiride élip barghan tinitish heriketliride, ikki pelestinlik jénidin ayrildi, 12 pelestinlik yarilandi.

xan yunus shehiride puqralarning öylirining bombardiman qilinishi netijiside, 15 pelestinlik jénidin ayrildi, nurghun kishi yarilandi. bularning ichide, pelestinlik muxbir yasir ebu namus we uning anisimu jénidin ayrildi.

hamasning herbiy qaniti bolghan qassam birigadiliri 7-öktebir shenbe küni israiliyege qarshi «eqsa topani» namliq keng kölemlik hujum qozghighanliqlirini élan qilghanidi. ghezzedin israiliyege minglighan rakétamiyot étilghan, qoralliq guruppilarmu rayondiki olturaq rayonlargha bésip kirgenidi.

israiliye armiyesi bolsa, urush ayropilanliri bilen ghezze shehirige «tömür qilich herikiti» qozghighanliqlirini bildürgenidi.

hamasning hujumlirida 309 isirailiye eskiri we 1400 isirailiye puqrasining jénidin ayrilghanliqi, 5 ming 132 isirailiyelikning yarilanghanliqi bildürüldi.

ghezze sehiye ministirliqi isirailiyening ghezzege qilghan her xil hujumlirida, 2 ming 913 kichik bala, 1 ming 709 ayal, 397 yashanghan kishi bolup, jemiy 7 ming 28 kishining jénidin ayrilghanliqini, 18 ming 484 kishining yarilanghanliqini élan qildi.

ishghal astidiki iyordan deryasining gherbiy qirghiqida, isirailiye armiyesi we yehudiy köchmenlirining hujumlirida 106 pelestinlik jénidin ayrildi.

toqunush rayonlirida, köpinchisi  isirailiyening bombardimanlirida 25 muxbir jénidin ayrildi.