sérbiye pirézidénti: türkiye bilen munasiwetlirimizni dawamliq tereqqiy qildurimiz
sérbiye pirézidénti aléksandir wuchich türkiye bilen bolghan munasiwetlerni tereqqiy qildurush we siyasiy diyalogni ilgiri sürüsh üchün dawamliq tirishchanliq körsitidighanliqlirini éytti.
türkiye awazi radiyosi xewiri: wuchich ammiwi ortaqlishish tor bétidiki sehipiside élan qilghan bayanatida, sérbiyening paytexti bélgradta ziyarette bolghan türkiye dölet mudapie ministiri yashar güler bilen körüshkenlikini tekitlep mundaq dédi:
«türkiye dölet mudapie ministiri yashar gülerning dölitimizni ziyaret qilishi nahayiti muhim. bu ziyaret, türkiye bilen sérbiyening rayonning tinchliqi we muqimliqini qoghdashta oynawatqan muhim roligha zor töhpilerni qoshidu.»
u sözini mundaq dawamlashturdi:
«ikki dölet munasiwetliri aliy derijilik rehberler sewiyeside üzlüksiz dawamlashmaqta. bélgradning prishtine bilen diyalog musapisini dawamlashturush iradisi qetiy. men türkiye dölet mudapie ministiri yashar gülerge, nöwette eng muhim mesilining kosowuning shimalidiki sérblarning bixeterlikige kapaletlik qilish ikenlikini eskerttim. shundaqla özara kélishimlerni téximu köp kéchiktürmey ijra qilishning zörürlükini tekitlidim.»
türkiye dölet mudapie ministiri yashar güler sérbiye ziyariti dairiside, sérbiye dölet mudapie ministiri milos wuchéwich bilenmu bir yerge jem boldi.
