bosniye-gértségowina pelestinning musteqilliq tirishchanliqini qollaydighanliqini bildürdi
bosniye-gértségowina tashqi ishlar ministiri elmedin konakowich pelestinning musteqilliqini we zémin pütünlükini qoghdash tirishchanliqlirini qollap quwwetleydighanliqini bildürdi.
türkiye awazi radiyosi xewiri: bosniye-gértségowina tashqi ishlar ministiri elmedin konakowich pelestin dölitining bosniye – gértségowinada turushluq bash elchisi rezek namorning ziyartini qobul qildi.
bosniye-gértségowina tashqi ishlar ministirliqining uchrishishqa munasiwetlik bayanatida, «ministir konakowich pelestin xelqi we dairilirining öz dölitining igilik hoquqini we zémin pütünlükini mudapie qilishini shundaqla qoghdash tirishchanliqini qollap quwwetleydighanliqini bildürdi. bosniye-gértségowinaning her qandaq jayda we her qandaq waqitta bigunah puqralarni, ayallar we balilarni öltürüshni shundaqla her xil zorawanliqlarni qobul qilmaydighanliqini éytti» déyildi.
konakowich bash elchige bosniye-gértségowinaning ottura sherqtiki toqunushni tinch yol bilen axirlashturush hemde pelestin - israiliye otturisida uzaq muddetlik tinchliq we muqimliq ornitish yolidiki barliq ijabiy tirishchanliqlarni qollaydighanliqini bildürdi.
uchrishishita bosniye-gértségowina bilen pelestin döliti otturisidiki munasiwetlerge «yaxshi we dostane» dep baha bérildi, hemkarliqni téximu tereqqiy qildurush iradisi tekitlendi.
hamasning herbiy qaniti qasim birigadisi 7-öktebir israiliyege «aqsa tufani» namliq keng kölemlik hujum bashlighanliqini élan qilghan we buninggha qarshi israiliye armiyesi urush ayropilanliri bilen ghezze rayonigha qarshi tömür qilich herikitini bashlighanliqini jakarlighan idi.
künséri keskinlishiwatqan tuqunushta her ikki tereptin minglighan kishi jénidin ayrildi.
