donald tramp qayta saylansa köchmenlerge qarita «idiyewi tekshürüsh» élip baridighanliqini élan qildi
sabiq amérika pirézidénti donald tramp 2024-yildiki pirézidéntliq saylimida qayta saylansa, sayahet cheklimisini qaytidin ijra qilidighanliqini we köchmenlerge qarita «idiyewi tekshürüsh» élip baridighanliqini élan qildi.
türkiye awazi radiyosi xewiri: sabiq pirézidént tramp saylam seperwerliki munasiwi bilen yéngi xampshirda sözligen nutuqida: «barliq köchmenlerge qarita küchlük idiyewi tekshürüsh élip barimen» dédi.
donald tramp amérika pirézidénti jo baydin hakimiyiti dewride milyonlighan qanunsiz köchmenlerning amérikiaa kirgenlikini otturigha qoyup, bu köchmenlerni chégradin qoghlap chiqirish pilanini qayta tekitlidi.
tramp: «eger amérikani öch körsingiz, israiliyeni yoqitishni oylisingiz, dinimizni yaqturmisingiz- démisimu nurghini yaxshi körmeydu- jihadchilargha hésdashliq qilsingiz, undaqta biz dölitimizde sizni xalimaymiz» dédi.
tramp baydinni «iqtidarsizliq» bilen eyiblep, amérikani axirqi retke ittiriwatqanliqini bildürdi we israiliye - hamas toqunushini ima qilghan halda ottura sherqtiki hazirqi malimanchiliqqa baydinning jawabkar ikenlikini éytti.
