italiye bash ministiri israiliyege yétip bardi
italiye bash ministiri giorgiya méloni israiliyede mensepdishi bényamin nétanyahu bilen körüshti.
türkiye awazi radyosi xewiri: mélonining israiliyediki uchrishishliri heqqide italiye bash ministirliqi teripidin élan qilinghan bayanatta, «bash ministir giorgiya méloni misirda dölet we hökümet bashliqlirining ishtirak qilishida ötküzülgen qahire tinchliq bashliqlar yighini axirlashqandin kéyin, hamasning 7-öktebir (2023) de puqralargha qilghan tiragédiyelik hujumi munasiwiti bilen italiyening hemkarliq we yéqinliq uchurini yetküzüsh üchün israiliyege yétip bardi» déyildi.
bayanatta bash ministir nétanyahu bilen élip bérilghan uchrishishining, nöwettiki weziyet heqqide yéngi uchurlargha érishish we qahire yighinigha qoshup bahalap chiqish pursiti ikenliki otturigha qoyuldi.
bayanatta, «bash ministir méloni israiliyening xelqara qanun boyiche özini qoghdash we tinch yashash hoquqining barliqini tekitlesh bilen bir waqitta, ghezzening insanperwerlik yardemlerge érishishning kapalet astigha élinishini we bu rayonning tinchliqining muhimliqini tekitlidi» déyildi.
