isirailiye xelqi: 7-öktebirdiki hujumlargha nétanyahu jawabkar
isirailiye xelqining %80 i hamasning qoralliq qaniti qassam birigadilirining 7-öktebir (2023) diki hujumlirigha, bash ministir nétanyahu jawabkar dep qaraydighanliqi otturigha chiqti.
türkiye awazi radiyosi xewiri: isirailiyening «maariw géziti» 510 isirailiyeliktin teshkil tapqan lazar tetqiqat inistituti teripidin élip bérilghan elrayi netijilirini élan qildi.
elrayi netijilirige asaslanghanda, isirailiyeliklerning %80 i 7-öktebir yüz bergen qassam birigadilirining hujumlirigha, nétanyahu jawabkar dep qaraydiken. xelqning peqet %8 i nétanyahu jawabkar emes, dep qaraydiken. %12 bolsa, pikrining yoqluqini bildürgen.
elrayi netijiside qeyt qilinishiche, isirailiyede xelqning %65 i dölitining kélechikige ümid bilen qaraydighan bolup, %25 i ümidsiz iken. eger hazirning özide saylam ötküzülgen ehwalda hökümetni teshkil qilghan siyasiy partiyelerning parlaménttiki 120 orundin peqet 43 ni qolgha keltüreleydiken.
hamasning qoralliq qaniti bolghan qassam birigadiliri 7-öktebir shenbe küni israiliyege qarshi «eqsa topani» namliq keng kölemlik hujum qozghighanliqlirini élan qilghanidi. ghezzedin israiliyege minglighan rakétamiyot étilghan, qoralliq guruppilarmu rayondiki olturaq rayonlargha kirgenidi.
israiliye armiyesi bolsa, urush ayropilanliri bilen ghezze shehirige «tömür qilich herikiti» qozghighanliqlirini bildürgenidi.
igilinishiche, barghanséri keskinlishiwatqan toqunushlarda her ikki tereptin minglarche kishi jénidin ayrilghan.
