amérika xewpsizlik kéngishining ghezzege yardem bérish qarar layihesini wéto qildi

türkiye awazi radiyosi xewiri: birleshken döletler teshkilati xewpsizlik kéngishi amérika qoshma ishtatlirining nyu york shehiride, israiliye bilen hamas otturisidiki toqunushlarni toxtitish mesilisi toghriliq yighin chaqirdi.

yighinda, amérika qoshma ishtatliri ghezze rayonigha insanperwerlik yardem buyumlirini yetküzüsh bérishke kapaletlik qilish üchün israiliye bilen hamas otturisidiki toqunushlarni toxtitishqa chaqiriq qilinghan qarar layihesini wéto qildi.

biraziliye sunghan qarar layihesini xewpsizlik kéngishining 12 ezasi qollap awaz berdi, rusiye bilen engliye  awaz bérish hoquqidin waz kechti.

qarar layiheside hamasning hujumlirimu eyiblendi.

qarar layiheside yene, puqralargha qaritilghan her xil zorawanliq, düshmenlik, her xil térrorluq heriketliri eyiblendi, barliq tutqunlarni derhal we shertsiz qoyup bérish telep qilindi.

rusiyening düshenbe küni (2023-yili 16-öktebir) insanperwerlik nuqtisidin urush toxtitishni chaqiriq qilip sunghan qarar layihesi wéto qilinghanidi.

hamasning herbiy qaniti bolghan qassam birigadiliri 7-öktebir shenbe küni israiliyege qarshi «eqsa topani» namliq keng kölemlik hujum qozghighanliqlirini élan qilghanidi. ghezzedin israiliyege minglighan rakétamiyot étilghan, qoralliq guruppilarmu rayondiki olturaq rayonlargha kirgenidi.

israiliye armiyesi bolsa, urush ayropilanliri bilen ghezze shehirige «tömür qilich herikiti» qozghighanliqlirini bildürgenidi.

igilinishiche, barghanséri keskinlishiwatqan toqunushlarda, her ikki tereptin minglarche kishi jénidin ayrilghan.