gutérrés béyjingda shi jinping bilen körüshti
xitay dölet reisi shi jinping béyjingda ötküzülgen 3- nöwetlik «bir belbagh, bir yol» munbirige ishtirak qilish üchün béyjinggha yétip barghan birleshken döletler teshkilati (b d t) bash katipi antoniyo gutérrés bilen körüshti.
türkiye awazi radiyosi xewiri: xitay tashqi ishlar ministirliqi bayanat élan qilip, shi jinpingning yighinda söz qilip, bir belbagh, bir yol qurulushi we yer shari tereqqiyat pilanining herqaysi döletlerning ortaq tereqqiyati üchün aktip énérgiye yaritip, b d t ning 2030- yilliq imkaniyetlik sijil tereqqiyatni emelge ashurush nishanigha birmu döletni septin chüshürüp qoymastin yétishige töhpe qoshushni nishan qilidighanliqini otturigha qoyghanliqini bildürdi.
bayanatta körsitilishiche, xitay rehbiri yene, dölitining köp qutupluq dunya tertipi berpa qilish we yersharini bashqurushni téximu barawer, téximu adil haletke keltürüsh üchün, b d t bilen bolghan hemkarliqni kücheytishni xalaydighanliqini sözlirige ilawe qilghan.
bir belbagh bir yol qurulushining tereqqiy qiliwatqan döletlerni imkaniyetlik sijil tereqqiy qilishning muhim pursetliri bilen teminleydighanliqini tekitligen gutérrésmu, xitay dölet reisi shi jinpingning munberde élan qilghan sekkiz maddiliq heriket pilanining, b d t ning nishani we nishanigha pütünley mas kélidighanliqini, uning tereqqiy qiliwatqan döletlerning tereqqiyat süritini tézlitidighanliqigha ishinidighanliqini otturigha qoyghan.
u b d t ning xitayning köp tereplimilikke tutuwatqan meydanini qedirleydighanliqini, yer shari tereqqiyati, yer shari bixeterliki we yer shari medeniyliki teshebbusini qollawatqanliqini, özara hemkarliqni kücheytishke teyyar ikenlikini tekitligen.
