shoygu ukrainadiki urush toghrisida putingha doklat sundi
rusiye dölet mudapie ministiri sérgéy shoygu rusiye armiyesining toqunush liniyesi boyiche, ukraina armiyesining hujumlirigha qarshi chongqur we basquchmu basquch mudapie liniyesi shekillendürgenlikini bildürdi.
türkiye awazi radiyosi xewiri: rusiye dölet mudapie ministiri shoygu pirézidént wladimr putingha armiyening ukrainadiki heriketliri heqqide doklat bérip: «omumen qilip éytqanda, weziyet muqim we bixeter körünüwatidu. eskerler kespiy heriketlerni élip bériwatidu» dédi.
shoygu ukraina armiyesining oxshimighan yönilishlerde hujumlarni qilishqa urunuwatqanliqini eskertip: «ular her yönilishte dégüdek bizning aktip mudapiemizge duch kéliwatidu. biz nurghun rayonlardiki taktikiliq ornimizni yaxshiliyaliduq, héchbir yerde ular (ukraina armiyesi) ning emeliy ilgirilishige yol qoyulmaywatidu. ukraina armiyesining etiyazliq hujumi, yazliq hujumi we hazir bolsa, <küzlük hujumliri>gha xatime bérildi. ular bu hujumlarning héchqaysisida muweppeqiyet qazinalmidi» dégenlerni qeyt qildi.
u pütkül toqunush firontlarda mueyyen yönilishler boyiche intayin chongqur, qedemmu qedem mudapie liniyelirining shekillendürülgenlikini tilgha élip: «buni <aktip mudapie> déyishke bolidu. chünki düshmen 4- iyun yazliq heriket bashlighandin kéyin, adem küchi we üskünilerde zor, körünerlik we éghir ziyanlarni tartti. yüzligen tanka we 1500 bironéwikidin ayrilip qaldi» dédi.
