kolombiye isirailiye bilen bolghan munasiwetlirini tonglatti
kolombiye pirézidénti pétro isirailiyening ghezzege qiliwatqan hujumlirini eyibligendin kéyin, kolombiyening tél awiwdiki bash elchisi isirailiye tashqi ishlar ministirliqigha chaqirildi.
türkiye awazi radiyosi xewiri: ereb ittipaqi bash katipi ehmet ebu gayt misir paytexti qahirede afriqa ittipaqi komitétining bashliqi musa faki muhemmed bilen ghezze toghrisida körüshti.
ereb ittipaqi bilen afriqa ittipaqi ghezzede 2.2 milyon pelestinlikni derhal kündilik éhtiyaj buyumliri we insanperwerlik yardemliri bilen teminlesh üchün xelqaraliq tirishchanliqlarni köpeytish ikenlikini bildürdi.
isirailiyening ghezze hujumigha bolghan naraziliqlarmu barghanséri kücheygen halda dawam qilmaqta.
kolombiye pirézidénti pétro isirailiyening hujumlirini eyibligendin kéyin, kolombiyening tél awiwdiki bash elchisi isirailiye tashqi ishlar ministirliqigha chaqirildi.
isirailiye hökümiti kolombiyege bixeterlik mehsulatliri éksport qilishni toxtitishni qarar qildi.
kolombiye pirézidénti pétro: «pelestinliklerni qirghin qilishni qolliyalmaymiz. isirailiye bilen bolghan diplomatik munasiwetlirimizni tonglitishni we ghezzege insanperwerlik yardimi ewetishni qarar qilduq» dédi.
b d t bash katipi antoniyo gutérrés isirailiyening ghezzege qiliwatqan hujumliri üstide toxtilip: «ottura sherqte hangning tüwide turuwatimiz. insanperwelik yardem karidorining échilishigha ruxset qilishqa chaqirimiz. ghezzege ewetilidighan yémek-ichmek, su, tibbiy malzimiler we yéqilghularning teyyar ikenlikini, yardemlerning rayongha bir qanche saet ichide eweteleymiz» dédi.
xelqara kechürüm teshkilatimu isirailiyege naraziliq bildürdi.
xelqara kechürüm teshkilati ghezzening shimalida yurt-makanliridin köchüwatqan kishilerning hujumgha uchrighanliqini bildürüp, ghezzediki puqralarning héchqandaq bixeter jayining qalmighanliqining échinishliq ispati ikenlikini tekitlidi.
hamasning herbiy qaniti qassam birigadiliri 7-öktebirde israiliyege «eqsa topani» namliq keng kölemlik hujum bashlighanliqini élan qilghan we ghezzedin israiliyege minglighan rakétamiyot atqandin bashqa yene, qoralliq guruppilar rayondiki olturaq rayonlargha bésip kirgen idi.
israiliye qisimlirimu urush ayropilani bilen ghezze rayonigha qarshi «tömür qilich» herikitini bashlighanliqini élan qilghan idi.
künséri keskinlishiwatqan toqunushlarda, her ikki tereptin minglighan kishi jénidin ayrildi.
