nato yadro manéwiri ötküzidu
shimaliy atlantik ehdi teshkilati-natogha eza döletler kéler hepte «xasiyetlik chüsh» namliq yadro manéwiri ötküzidu.
türkiye awazi radiyosi xewiri: shimaliy atlantik ehdi teshkilati-nato bash katipi jéns stolténbérg bu heqte élan qilghan bayanatida, mundaq dédi:
«rusiyening ukrainagha qarshi urushi natoning yadro qorallirining tajawuzchiliqqa taqabil turushta oynaydighan muhim rolining barliqini xatiriletmekte.»
stolténbérg natoning her yili öktebirde ötküzülidighan daimliq yadro manéwirining kéler hepte italiye, kirodiye we aqdéngizda ötküzülidighanliqini bayan qildi.
u, bu manéwirning natoning yadro jehettiki taqabil turush küchining ishenchlik, ünümlük we bixeterlikning kapaliti ikenlikini tekitlidi.
stolténbérg «xasiyetlik chüsh» namliq yadro manéwiri arqiliq natoning barliq ittipaqdash döletlerni qoghdap, mudapie qilidighanliqi toghriliq roshen signal bérilidighanliqini qeyt qildi.
igilinishiche, natoning «xasiyetlik chüsh» namliq yadro manéwirigha, köp sanda küreshchi ayropilanlar, razwédka ayropilanliri, may paraxotliri, shundaqla «B-52» tipliq uzun musapilik bombardimanchi ayropilanlar qatnashturulidiken.
«xasiyetlik chüsh» namliq yadro manéwiri her yili natogha eza bir döletning sahibxanliqida ötküzülidu.
