putin: türkiyede qurulishi pilanlanghan tebiiy gaz merkizige nurghun dölerler qiziqiwatidu
rusiye pirézidénti wiladimir putin türkiyede qurulishi pilanlanghan tebiiy gaz merkizige nurghun dölerlerning qiziqiwatqanliqini bildürdi.
türkiye awazi radiyosi xewiri: putin rusiyening paytexti moskwada ötküzülgen rusiye énérgiye heptilik konféransining asasliq yighinida bayanat élan qildi.
putin türkiyede qurulishi pilanlanghan tebiiy gaz merkizi heqqide toxtilip, ezerbeyjanning bu layihege qiziqidighanliqini éytti.
wiladimir putin xizmetlerning ilgirilishige egiship bashqa döletlerningmu bu layihege qatnishishini ümit qilidighanliqini tekitlep, «bu yerde asasliqi yawropa chong quruqluqigha qarita tebiiy gaz sodisi üchün éléktronluq bir supa berpa qilishni tilgha almaqtimiz. bu layihege türk dostlirimiz, biz we yawropadiki rusiye menbelirini sétiwalmaqchi bolghanlarning hemmisi qiziqmaqta» dédi.
rosiye rehbiri yene, türk éqimi we kök éqim layihesi arqiliq tebiiy gazni türkiyege ünümlük yetküzüshni dawamlashturidighanliqini hemde kelgüside bu ul eslihelerni kéngeytkili bolidighanliqini bildürdi.
مۇناسىۋەتلىك خەۋەرلەر
