xelqara jinayi ishlar sot mehkimisi süriye üstidin sunulghan erzge qarap chiqishni bashlidi

türkiye awazi radiyosi xewiri: xelqara jinayi ishlar sot mehkimisi gollandiye bilen kanadaning «süriye hakimiyitining birleshken döletler teshkilati (b d t)ning 1984- yili élan qilinghan qiyin- qistaqqa qarshi turush ehdinamisige xilapliq qilghanliqi»ni otturigha qoyup, sunghan erzige qarap chiqishni bashlidi.

sotning birinchi künide, kishilik hoquqni közitish teshkilatining xelqara edliye ishliri diréktori balqés jerrah söz qilip: «sot mehkimisi jiddiy tedbir qollinip, wehimilik shert – sharaitlar astida azab - oqubet chékiwatqan hayati éghir xeter ichidiki süriyeliklerge dawamliq ziyankeshlik qilinishining aldini élishi kérek» dédi.

kanada bilen gollandiye 6- ayning 8- küni ichki urush bashlanghan 2011 – yilidin buyan süriye hakimiyitining qiyin – qistaq, zulum, gheyriy insaniy we yaki kemsitish muamililirini sadir qilghanliqi yaki jazalarni yürgüzgenlikini, buning b d t ehdinamisige xilap ikenlikini otturigha qoyup, süriye hakimiyiti üstidin xelqara jinayi ishlar sot mehkimisige erz sunghanidi.