isirailiye 73 eskirining ölgenlikini élan qildi
isirailiye armiyesi hamasning shenbe (2023-yili 7-öktebir) küni bashlighan hujumlirida jénidin ayrilghan eskerler sanining 73 ke chiqqanliqini élan qildi.
türkiye awazi radiyosi xewiri: isirailiye armiyesi yazma bayanat élan qilip, yene jénidin ayrilghan 16 isirailiye eskirining kimlik uchurlirining jemiyetke ashkarilinip, aililirige yetküzülgenlikini bildürdi.
hamasning hujumlirida, 2 ming 315 isirailiyelik yarilandi, bularning ichide 365 nepirining ehwali éghir.
isirailiye armiyesi tünügün (8-öktebir) ghezzening sherqiy shimaligha jaylashqan beyt xanun rayoni we etrapida 120 nuqtini bombardiman qilghanliqini élan qildi.
bayanatta, bombardimanda hamasning nurghun nuqtilirining bitchit qilinghanliqini, bularning ichide bir tonélning barliqini eskertti.
hamasning herbiy qaniti bolghan izzeddin qassam birigadiliri 7-öktebir (2023) «eqsa tufani» namida hujum bashlighanliqini élan qilghan idi.
hujumda, ghezzedin isirailiyege minglarche rakéta étildi we birigada jengchiliri rayondiki ahaliler rayonigha kirgen idi.
isirailiye «tömür qilich herikiti» ni bashlap, buninggha jawab qayturghanliqini élan qilghan idi.
hujumlarda, ikki tereptin yüzlerche kishi jénidin ayrildi.
