méshil: eliéyw bilen abbas biryussélda körüshidu
ezerbeyjan we erméniye rehberlirining mushu ayning axirida bélgiyening paytexti biryussélda körüshidighanliqi élan qilindi.
türkiye awazi radiyosi xewiri: yawropa ittipaqi kéngishi reisi charléz mishél ispaniyening granada shehiride ötküzülgen yawropa ittipaqigha eza döletlerning biresmiy bashliqlar yighini zaligha kirish éghizida muxbirlargha bayanat bérip, özining ezerbeyjan pirézidénti ilham eliyéw bilen erméniye bash ministiri nikol pashinyanni biryussélgha teklip qilghanliqini bildürdi.
rehberlerning teklipke ijabiy jawab qayturghanliqini tilgha alghan mishél, ay axirida biryussélda üch terep yighini ötküzülidighanliqini eskertti.
tünügün chaqirilghan yawropa siyasiy jemiyiti yighini jeryanida, yawropa ittipaqi kéngishi, erméniye, firansiye we gérmaniye rehberliri granadada söhbet ötküzgendin kéyin birleshme bayanat élan qilip, weziyetni normallashturush musapisini qollaydighanliqlirini tekitligenidi.
eliyéw qatnashmighan yighinda rehberler, chégrani ayrish xizmitini jiddiy ishlesh, qolgha élinghanlarning özara qayturulushi, teqdiri éniqsiz kishilerni izdesh we mina tazilash xizmetlirini algha siljitishning zörürlükini qeyt qilghanidi.
