liwiyediki kelkün we boran - chapqunda 429 köchmen ishchi qaza qildi
liwiyening sherqide yüz bergen «daniyal borini» we u keltürüp chiqarghan kelkün apitide 429 köchmen ishchining qaza qilghanliqi, 500 ishchining yoqap ketkenliki bildürüldi.
türkiye awazi radiyosi xewiri: xelqara köchmenler teshkilatining tor bétide élan qilinghan bayanatqa asaslanghanda, 10- séntebir liwiyening sherqiy shimalida yüz bergen boran- chapqun we kelkün apiti texminen 42 ming 45 kishining öy- makanliridin ayrilip qélishini keltürüp chiqarghan, weqedin kéyin, mezkur kishilerning bir qismi öylirige qaytqan.
bayanatta, 9- ayning 10- künidin 24- künigiche dawamlashqan boranda 429 ishchining qaza qilghanliqi, 500 köchmen ishchining yoqap ketkenliki qeyt qilindi.
10- séntebir küni aqdéngizda yüz bérip, liwiyening sherqige éghir talapet yetküzgen «daniyal» namliq boran - chapqun, binghazi, beyza, merj, suse we derne sheherliride kelkün apetlirini keltürüp chiqarghanidi.
liwiye milliy birlik hökümiti bash ministiri abdulhemid dibeybe 11- séntebir kelkün apiti sewebidin dölet miqyasida üch künlük matem élan qilghanidi.
liwiye pirézidéntliq kéngishimu qérindash döletler bilen xelqaraliq teshkilatlarni kelkün apitide talapetke uchrighan rayonlargha yardem bérishke chaqirghanidi.
birleshken döletler teshkilati insanperwerlik ishlirini maslashturush ishxanisi teripidin 10-ayning 2-küni élan qilinghan doklatta bildürülüshiche, liwiyediki kelkün apiti sewebidin 4 ming 255 kishi hayatidin ayrilghan, 250 ming kishi talapetke uchrighan, 40 ming kishi öy – makanliridin ayrilip qalghan.
مۇناسىۋەتلىك خەۋەرلەر
