reisi: zengezur karidori dölet bixeterlikige tehdit
iran pirézidénti ibrahim reisi ezerbeyjanni nehchiwan bilen tutashturidighan zengezur karidorining «dölet bixeterlikige tehdit» ikenlikini ilgiri sürdi.
türkiye awazi radiyosi xewiri: iran pirézidénti ibrahim reisi paytext téhranda ezerbeyjan pirézidénti ilham eliyéwning alahide wekili xalef xalefow we erméniye dölet bixeterlik kéngishi katipi armén girigoryan bilen ayrim - ayrim körüshti.
iran pirézidéntliq mehkimisi ishxanisining siyasiy ishlargha mesul muawin bashliqi muhemmed jemshidi, söhbetlerning mezmuni toghrisida özining ijtimaiy taratqu supisi <X> tiki adrésida uchur hembehrilidi.
uchurgha asaslanghanda, reisi erméniye dölet bixeterlik kéngishi katipi we ezerbeyjan pirézidéntining alahide wekili bilen ötküzgen söhbetliride, «zengezur karidorining shimaliy atlantik ehdi teshkilati — natoning rayonda mewjut bolup turushigha asas yaritip béridighanliqini we döletler üchün dölet bixeterlik tehditi élip kélidighanliqi» ni ilgiri sürüp, iranning buninggha qetiy qarshi turidighanliqini tekitligen.
