ennehyan dölitining türkiye bilen hemnepes ikenlikini bildürdi

türkiye awazi radiyosi xewiri: ereb birleshme xelipiliki reisi sheyx muhemmed bin zayid ennehyan paytext enqerede yüz bergen térrorluq hujumidin kéyin jumhur reis rejep tayyip erdoghangha téléfon qilip, dölitining türkiye bilen hemnepes ikenlikini bildürdi.

ereb birleshme xelipilikining resmiy xewer agéntliqi (WAM) ning xewirige qarighanda, ereb birleshme xelipiliki reisi sheyx muhemmed bin zayid ennehyan tünügün (1-öktebir) paytext enqerede yüz bergen térrorluq hujumidin kéyin jumhur reis rejep tayyip erdoghangha téléfon qilghan.

téléfon söhbitide, ennehyan ereb birleshme xelipilikining qérindash dölet  türkiye we türkiye xelqi bilen hemnepes ikenlikini tekitligen.

u her xil shekildiki térrorizmgha qarshi küresh qilish üchün ortaq xelqaraliq tirishchanliqlargha éhtiyajliq ikenliklirini qeyt qilghan.

ennehyan térrorluq hujumida yarilanghan dölet xewpsizlik küchlirige shipaliq tiligen, shundaqla qérindash dölet türkiye we türkiye xelqige ésenlik tiligen.