nigériyede may bakliq aptomobil partlash weqesi yüz bérip 20 adem qaza qildi
nigériyening jenubidiki délta ölkiside may bakliq aptomobil partlash weqesi yüz bérip 20 adem jénidin ayrildi.
2044951
türkiye awazi radiyosi xewiri: nigériye taratqulirining xewirige qarighanda, nigériyening jenubidiki délta ölkisining warri-bénin yuqiri süretlik tashyolida may bakliq aptomobil namelum seweb bilen partlighan.
partlashta 20 adem qaza qilghan, nurghun adem yarilanghan, bezi öyler ziyangha uchrighan.
alaqidar tarmaqlarning bildürüshiche, weqedin kéyin rayongha ot öchürüsh etretliri ewetilgen, hemde weqe tekshürülüshke bashlanghan.
partlash netijiside yarilanghanlar doxturxanigha orunlashturulghan bolup, qaza qilghanlar sanining köpiyip kétish xewpi bar iken.
