ghennushining achliq élan qilishni bashlaydighanliqi uqturuldi
tunis parlaméntining sabiq reisi, ennehde herikiti rehbiri rashid ghennushining achliq élan qilidighanliqi uqturuldi.
türkiye awazi radiyosi xewiri: ghennushining siyasiy meslihetchisi riyad shueybi, tunis démokratiyesining «chékinip kétishi»ge naraziliq bildürgen ghennushining bügündin tartip achliq élan qilishni bashlaydighanliqini élan qildi؛ u «siyasiy paaliyetchilerge zerbe bérishke xatime bérilishi we siyasiy mehbuslarning qoyup bérilishi» telipiningmu ghennushining achliq élan qilish seweblirining bir qismi ikenlikini tekitlidi.
tunista «öktichilerni qorqutushni nishan qilghan»liqi ilgiri sürülüwatqan qolgha élish heriketliri 11 – féwralda bashlanghan bolup, hazirghiche onlarche siyasetchi, zhurnalsit, paaliyetchi, sotchi we soda - sanaetchi «dölet bixeterlikige suyiqest qilish» jinayiti bilen eyiblinip qolgha élindi.
bir yighinda qilghan sözi sewebidin «xelqni ichki urushqa yéteklesh» jinayiti bilen eyiblinp, 17 – aprél öyidin nazaret astigha élinghan ennehde herikiti rehbiri ghennushi, tunisliqlarning naraziliqliri we xelqara jemiyetning eyibleshlirige qarimay, saqchilarning 48 saetlik soraq qilishidin kéyin qolgha élinip, türmige sulanghanidi.
