qarabaghda bénzin iskilatida partlash yüz berdi
ezerbeyjanning qarabagh rayonidiki xankendi-esqeran yoli etrapidiki bir bénzin iskilatida yüz bergen partlash we uningdin kéyinki ot apitide nurghun adem qaza qildi, 200 din artuq adem yarilandi.
2042218
türkiye awazi radiyosi xewiri: erméniyening resmiy xewer agéntliqi «Armenpress» ning xewirige qarighanda, kech tereplerde xankendi rayonigha yéqin esqeran yoligha jaylashqan bénzin iskilatida partlash yüz bergen.
qarabaghdiki ermenlerning wekillirining bildürüshiche, partlash we uningdin kéyin yüz bergen ot apitide nurghun adem qaza qilghan hemde yarilanghan.
yarilanghanlar sani 200 din éship ketken xankendi rayonidiki barliq doxturxanilar jiddiy heriketke ötken. yarilanghanlarning köpinchisining ehwali éghir bolup, qaza qilghanlarning sani we partlashning sewebi éniq emes iken.
