wéngiriye yawropa ittipaqining ezerbeyjangha qarshi bayannamesini wéto qildi

türkiye awazi radiyosi xewiri: yawropa ittipaqi tashqi munasiwetler we xewpsizlik siyasetliri ali wekili josép borrélning ezerbeyjanning taghliq qarabaghdiki térrorizmgha qarshi küresh herikiti toghrisida teyyarlighan bayannamesi wéngriye teripidin wéto qilindi.

bayannamede ezerbeyjanning öz chégrasi ichidiki qarabagh rayonida élip barghan térrorizmgha qarshi küresh herikiti eyiblendi we terepler ermenlernimu öz ichige alghan ochuq söhbet ötküzüshke chaqiriq qilindi.

yawropa ittipaqining erméniyening démokratiye asasiyda saylanghan wekillirini qollashqa teyyar ikenliki eskertilgen bayannamede ezerbeyjan erméniyening zémin pütünlükige hörmet qilishqa murajiet qilindi.

wéngiriye ezerbeyjangha qarshi bir tereplime qarashlarni öz ichige alghanliqi üchün bu bayannameni wéto qildi.

 élan qilinishi üchün yawropa ittipaqigha eza 27 döletning hemmisining qollishigha érishishi shert bolghan birleshme bayanname wéngiriyening wéto qilishi sewebidin qobul qilinmidi.

ezerbeyjanning qarabagh rayonida atalmish ​​hakimiyetning tashlighan qedemliri jiddiychilikning téximu ewj élip kétishige seweb boldi.

axirida, 9-ayning 19-küni, xojawent wilayitidiki exmetbeyli-fuzuli-shusha tashyolida minaning üstidin ötken ezerbeyjan dölet orginigha tewe yük aptomobilida 2 adem qaza qildi.

neq meydangha ketken saqchi mashinisining bashqa bir minaning üstidin ötüshi netijiside 4 saqchi shéhit boldi.

bu özgirishlerdin kéyin, ezerbeyjan dölet mudapie ministirliqi qarabaghda asasiy qanun tüzümi we ijra qilish méxanizmi ornitish üchün térrorizmgha qarshi küresh herikiti qozghidi.

texminen 24 saet dawamlashqan bu herikettin kéyin, ezerbeyjanning telepliri qobul qilindi we urush toxtitish élan qilindi.