putin pashinyan bilen körüshti
rusiye pirézidénti wiladimir putin erméniye bash ministiri nikol pashinyan bilen téléfonda körüshti.
türkiye awazi radiyosi xewiri: kirémil sariyining bildürüshiche, rusiye pirézidénti wiladimir putin bilen erméniye bash ministiri nikol pashinyanning téléfon söhbitide, qarabagh mesilisi heqqide muzakire élip bérilghan.
rusiye pirézidénti wiladimir putin ezerbeyjan bilen erméniye otturisidiki ixtilapning qiyin ötkilidin ötkili bolidighanliqini eskertken, shundaqla rusiye tinchliq saqlash qismining aktip ishtirak qilishi bilen hasil qilinghan kélishimdin we söhbetning 21-séntebir ötküzülidighanliqidin xursen ikenlikini bildürgen.
u söhbetlerning rusiye tinchliq saqlash qismi qomandanliq ishtabining muressechelikide ötküzülidighanliqini, qiyin sharaitlargha qarimay, rusiye tinchliq saqlash qismining tapshurulghan wezipilirini orundash we herbiy doxturlarnimu öz ichige alghan puqralargha yardem bérishni dawamlashturidighanliqini qeyt qilghan.
téléfon söhbitide yene, kelgüside jiddiychilikni azaytish we rayonning weziyitini muqimlashturush ümidimu otturigha qoyulghan.
